Dialuna mainta durante conferencia di Gobierno di Aruba, Minister di Husticia Mr Andin Bikker a informa cu a pone e hefe di Guarda nos Costa, Sr. Blijden, riba non actief. E maneho a corto plaso di Guarda Nos Costa lo conoce cambio debi na un incidente cu a pasa den fin di siman caminda a deporta un criatura di 15 aña y sin cu a consulta cu e departamento concerni, a dicidi na bay over di esaki. Minister a comenta cu tabata tin diferente apelacionnan unda e persona aki tabata bou guia y custodia di Cruz Cora y e expulsion aki a pone Aruba hunto cu Reino Hulandes den un situacion hopi fastioso debi cu nos tin bon relacion cu Washington pa loke ta trata e coordinacion di asilo, segun e mandatario a splica.
Esaki a pone cu inmediatamente a pone Blijden riba non actief y los di diferente otro keho cu ta drenta cerca e minister, pero tambe e motibo cu varios biaha no a yega resolve e problema di personanan cu ta wordo reclui pa wordo deporta, den forma cu hopi biaha no ta haya splicacion y diripiente ta huy for di e luga.
Lo bin cu’n Management Team interim cu lo consisti di Sra. Trudy Hassell y Sr. Icho Matos cu lo bay atende riba inmigracion Aruba hunto cu Guarda nos Costa. Tanto Guarda nos Costa y IASA ta den un proceso pa uni nan den un solo organisacion cu lo yama Inmigracion Aruba y ta den proceso di consulta cu sindicato, e mandatario a splica.