CARACAS, Venezuela- E abogado Roberto Marrero, hefe di oficina di presidente (E) Juan Guaido, a wordo deteni den oranan di marduga di diahuebs door di e forsanan di siguridad di estado.
Funcionarionan di Sebin a haci un entrada hudicial na e cas di Marrero, como tambe den e caso di e diputado di e Asamblea Nacional, Sergio Vergara, cu ta ocupa e funcion di lider di fraccion pa partido Voluntad Popular.
Marrero a denuncia cu durante e inval funcionarionan a planta dos fusil y un granat den su cas. E procedimento a wordo hiba door di e Tribunal Primero di Terorismo bou encargo di hues Carol Padilla, e fiscalnan Farik Mora y Dinorah Bustamante.
E Canciller di Colombia, Carlos Holmes Trujillo, a rechasa e atake aki di Sebin ariba representantenan di Guaido y a haci un yamada na e comunidad democratico internacional pa “exigi e respet na libertad, bida y integridad”.