HEBBE HEBBE ta un di e actividadnan cu ta hala hopi atencion y a bin ta creciendo durante e ultimo añanan. Un actividad cu a cuminsa dilanti Manuelito’s, pa despues a move bay dilanti Postkantoor, y a sigui crece.
E festival aki e aña aki a move bay hasta un venue nobo, cual ta na Harbour Arena. Y segun Sra. Shohaira Da Silva, e team di HEBBE HEBBE sigur tabata hopi entusiasma pa e festival e aña aki.
Pero mirando cu señora di Manuel da Silva a bira hopi malo y despues di a delibera den seno familiar, promotornan di HEBBE HEBBE, a tuma e decision fastioso di cancela HEBBE HEBBE e aña aki. Esaki ta pa motibonan familiar. Ainda tabata tin pensa cu toch por a laga Budweiser handle esaki, pero mirando cu ta Manuel ta esun cu ta e cara di e festival aki, toch a dicidi di cancela e actividad aki.
Nan ta pidi disculpa na tur e fiel fanaticonan di HEBBE HEBBE y ta spera di por conta cu nan apoyo un biaha otro aña.