For di 1995 Hebbe Hebbe a keda cansa pa Manuel Dasilva cu su grupo. Tur aña Manuel tabata duna reconocimento na hende, e prome hende cu a keda reconoci tabata Milio Croes y e ultimo ta Tattoo. Tur hende cu a haci algo pa Aruba su carnaval a keda reconoci pa e organisadornan di Hebbe Hebbe. Pero diripiente un grupo a kies mes un fecha cu Hebbe Hebbe y a pone cu autoridad a hala atencion cu no por tin dos fiesta mes un fecha. Pero ta lamenta con un Hebbe Hebbe mas cu 22 aña organisa ta keda laga afo y ta pone un otro.
Ta mustra cu polemica di SMAC cu cuenta di pagamento di placa kende ta paga prome tin preferencia, ta lamenta con esaki a bay cu e trahamento di agenda y e comunicacion y cu board di SMAC mester ta bon na altura cu Hebbe Hebbe ta un actividad cu tur aña ta keda organisa y ta pone dos actividad asina competitivo.
Ta di spera cu pa e siguiente carnaval tanto Polis y SMAC por tin bon comunicacion unda ta pone un liña cu no lo ta permiti dos actividad mes un dia y asina evita cu actividadnan cu pueblo semper a custuma keda laga afo y pone actividad otro fecha y esnan cu tin fecha di custumber laganan cu nan fecha di custumber, asina nos mes ta caba cu nos Carnaval.