Heart Center Leadership Foundation a wordo lanta na 2008 cu e meta pa empodera hobennan. Nan programanan, training,seminario, programanan despues di scol, guia invidividual y den grupo cu nan ta duna hobennan, ta yuda nan traha ariba nan desaroyo personal.
Sra. Keyla Rojas, Project Coordinator di Heart Center leadership Foundation a splica cu nan ta kere den un generacion di hoben cu ta representa tres R : Respetoso, Responsabel y Resiliente (Resilience). Locual cu nan por encontra den bida nan ta keda para firme den nan sapato. Pa esaki tambe nan a anuncia un seminario cu nan lo tin na augustus, specialmente pa hoben. E seminario yama Impact Camp. E lo tin un duracion di tres dia, pa hobennan entre 15 cu 21 aña. E prome Impact Camp aki cu nan ta haci ta un Ace Program. E ACE program ta para pa Achievement and Commitment to Excellence, cual ta un programa di EDU Care di Los Angeles California.
E programa aki ta disponibel pa scolnan secundario. Abrahama de Veer, Filomena College, Middag Mavo y Colegio San Nicolas ta scolnan cu a haya un ACE Program.
P’esey lo haci un seminario habri pa tur hoben, pa cualkier bario, di cualkier scol por participa.