Den December, Heart-Centered Leadership Foundation ta organisa un Virtual Bingo
Fundraising. E intencion di e bingo ta pa recauda fondo pa por trece bek un seminario otro aña
cu manera su nomber ta indica, ta sumamente impresionante: ‘Impact Camp: ACE Program’, un
seminario di 3 dia pa 100 hoben.
Un hoben ta crece y wordo forma den un mundo moderno cu ta bin cu diferente reto nan, cual
por haci hoben nan sinti cu nan no ta prepara suficiente pa enfrenta nan. E beneficio di un
mundo moderno ta cu actualmente programa nan manera ACE Program ta existi cu ta brinda
hoben nan instrumentonan cu nan por utilisa pa progresa y logra nan meta den bida. Cu ayudo
di e bingo aki, HCLF por trece bek despues di 4 aña un seminario asombroso pa hoben nan di
Aruba.
Impact Camp: ACE Program (Achievement and Commitment to Excellence) ta un seminario di 3
dia cu ta sostene hoben den nan formacion personal, social, y academico. Hoben nan entre
edad di 12 pa 17 por siña con pa: engrandece nan autoestima y balor propio, reconoce nan
forsa y reto nan, maneha rabia, miedo, rechaso, y presion di grupo of compañero, bira mas
motiva pa haci miho den scol, y sea responsabel pa tuma decisionnan cu ta crea un bida mas
feliz y saludabel.
Desde 2012, HCLF a ofrece e programa na 5 school secundario na Aruba y dos biaha a ofrece
na un grupo total di 180 hoben di tur skina di Aruba. Den experencia di HCLF, resultado nan
den e delaster aña ta indica con sobresaliente e programa aki ta. Hoben nan ta reporta cu
despues di a participa den Impact Camp: ACE Program nan a forma un imagen propio mas
positivo, mas lihe nan ta dispuesto pa coopera cu otro, a haya un aprecio pa relacion cu
amistad nan mas grandi, y a desaroya habito productivo cu a mehora nan cifra na scol. Ademas
di esaki, hoben nan a informa cu nan a siña conoce nan mes miho, curashi pa tuma riesgo, sea
mas habri, y confia mas.
Despues cu hoben nan a participa den e ultimo ACE Program cu HCLF a ofrece na 2019,
mayor nan a raporta cambionan visibel cu nan por a mira den nan yiu manera sali for di nan
zona confortabel, acepta y practica expresion propio, aumento di motivacion, stima y
acepta nan mes, comunica nan sintimento y necesidad nan positivamente.
Onder Beschermheerschap van de Gouverneur van Aruba
Pa HCLF por bolbe brinda hoben nan di Aruba e seminario aki, mester di colaboracion y sosten di pueblo di Aruba.
Ademas di aporta na un bon causa, door di cumpra un carchi di bingo comunidad di Aruba ta
hunga pa gana entre Afl. 250,- y Afl. 2000, sin conta premionan adicional manera desayuno pa
dos na La Vista na Marriott, Pelican Adventures Sailing & Snorkeling pa 2 persona, y un gift card
na balor di Afl. 1000 pa sigui un Leadership & Management Training ofreci door di Action Coach.
Si ta interesa di cumpra un buki di bingo of aporta den otro manera por yama of manda un
mensahe di Whatsapp na 5841211 of 5947566. Pa keda na altura di cualkier informacion nobo
tocante promocion di fundraising por busca nos ariba Facebook HCLFoundation.
