Durante un conferencia di prensa duna pa minister di salud dr. Alex Scwhengle a splica riba e preparacion di e Health Conference -HCCA- cu ta bay tuma luga proximamente na Juni.
E prome conferencia a tuma luga dos aña pasa, tambe na Juni y e tema tabata colaboracion. Specificamente, vooral dirigi ariba comunidad chikito manera ta e caso di e islanan y e hermana islanan, manera Corsou, Bonaire, St. Maarten, Saba y Statia.
E iniciativa pa e conferencia a bin di IPKO (Inter Parlementaire Koninkrijks Overleg) unda cu a acerca Dr. Schwengle pa organisa un congreso pa papia over di salubridad, pero den Reino. Vooral den e Reino Caribense. A bay un tiki mas leu cu esey, unda a hinca un parti di e problematica cu ta existi den tur e islananan, no solamente di Aruba. Ta existi un distancia demasiado grandi entre e tres gruponan den e comunidad di Salubridad.
E politiconan, cu ta esunnan cu ta traha e beleid, y e profesionalnan. Den su concepto, esey ta un problema grandi si nan ta mucho leu di otro. Pasobra e comunicacion no ta bon y e producto na final di dia no ta bay ta adecuado. E desconfiansa ta bay ta demasiado grandi. Loke kier logra cu e Health Care Conference, ta uno, pa papia over di Salubridad den Reino, cual ta obhetivo di IPKO, y wak si por trece e tres gruponan aki hunto y colabora mas hunto.
Desde e healthcare conference 2015 a wordo teni, tin hopi mas cooperacion, e liñanan ta mas cortico, y ta wak cu e ta dunando su frutonan poco poco. Pero e ta bay ta un “long journey”. A pidi pa haci esaki tur aña, pero segun dr. Schwengle, e ta cay e duro, mirando e magnitud di e conferencia aki y a dicidi toch di haci esaki cada dos aña.
E tema di e aña aki ta bay ta Integrated Care (Cuido Integral). E significado di e tema ta cu pa duna un bon cuido na final di dia na e cliente, e ta rekeri hopi partners, hopi procesonan. Si haci esey conhuntamente, y ta comunica bon cu otro, e producto no solamente ta bay ta miho, pero tambe e sacrificio y e energia y placa cu ta hinca aden, ta bay ta mas eficiente. Dus e sostenibilidad, ariba un termino largo ta bay ta mas miho y mas adecuado.
Tin algun tema di salud no ta importante pa Aruba so si no pa tur e organisacionnan internacional, World Health Organisation (WHO), Nacionnan Uni, Banco Mundial, OECD (Organisation for Economic Cooperation Development). Pa e minister, por busca pa sa mas di e organisacion ultimo aki, pa wak su importancia. Segun Minister di Salubridad, dr. Alex Schwengle. Pa esey a kies pa e tema aki, e aña aki, unda ta bezig ta propagand’e, unda ta spera di haya hopi profesional y tambe hopi di e “beleidsmakers”, pero tambe e politiconan por durf di tey pa hiba discusion cu e comunidad, over di Salubridad y pa wak kico por saca afo, kico e conseho por ta na e gobierno aki y tur gobierno di futuro. Con pa hiba un maneho mas integral, ariba e tereno di salubridad.
Lo bay tin diferente specialistanan ariba e tereno aki, cu lo bin for di Merca y Europa, pero tambe di Latino America y Caribe. Lo tin un specialista di Hulanda, Mark Bruinshils, specialisa ariba Primare Health Care, pero tambe den cuido integral den e prome liña. Pero tambe Mark Pearson, un di e top personanan riba e tereno di OECD.
Dr. Schwengle a invita tur e profesionalnan pa inscribi, pa tuma contacto cu e organisadonan y tambe cu e organisacionnan.
Tanto dia prome y dos di Juni e congreso aki lo bay tuma luga, pero lo bay tin un dia cu lo kier dedica na e hubentud cu ta pensa di bay den direccion di Salubridad. Segun Minister Schwengle, mester wak con pa promove esaki. Tin dificultad den sector di cuido, tin problema pa haya hende pa bay studia y specialisa, vooral den e ramo di enferemeria. Lo mester bay mercadea e trabao di enfermera hopi mas miho, pa cera e gapnan existente na e momentonan aki.
Dia 1 di Juni, lo bay tin un Dia pa Hubentud, Youth Day, unda lo treat e hobennan un tiki e show di Victor Mis, cu ta un sorto di mago. E ta bay ta algo un extra treat pa tur esunnan cu atende. Tambe ta bay tin charlanan di diferente ‘Rubianonan, nos mesun hendenan cu ta profesional, dus Young Profesionals ariba tereno di Salubridad, unda cu ta splica cu un enfermera no ta solamente e persona cu ta baña hende riba cama so, of cu ta cria un persona cu cuminda. Un enfermera ta mas cu esey. Y mirando cu ta den siman di enfermeria, dr. Schwengle ta subraya un biaha mas, cu tin hopi mas posibilidad, e posicion di estudio di un verpleegkundige, tin hopi posibilidad pa crece. Por siña management acerca, unda cu por tin posicionnan di liderasgo den Salubridad.
Lo bin cu un premio, pa asina duna elogio na nos baluartenan den e mundo di Salubridad. E ta algo cu ta hopi bon pa haci y dr. Schwengle ta spera cu e wordo aprecia, y e persona cu ta bay ta e prome pa ricibi esaki, lo aprecia esaki di awor caba.