Durante e actividad di Jota y Joti tambe tabatin instalacion di Directiva nobo di Scouting Aruba. Presente tambe tabata Prome Minister Evelyn Wever-Croes kende a toca e honor pa bisti e miembronan nobo di directiva nobo, e dashinan corespondiente. Como Hoofd Comisario nobo a keda instala Chrstopher Lake, John Hessen como Coordinador Internacional, Lilian Hernandez como Entrenamento y Formacion, Ariana Koolman-Chirino como Comunicacions, Maritza Carion como Programa y Ramphis Tromp como Finanzas y Administracion. Tambe prome Minister Evelyn-Wever Croes a keda instala como miembro honorario di Scouting Aruba. Esaki ta e directiva nobo cu a sinta y mester percura pa hiba Scouting na un otro nivel y haci’e berdaderamente e movimento hubenil mas grandi na mundo. Nos kier a desea e directiva nobo tur clase di exito y forza pa e retonan grandi cu nan tin nan dilanti.