BUENOS AIRES, Argentina- Siman pasa agentenan di Polis Federal di Argentina a haci un inval den dos municipio den e parti noord di e Area Metropolitano di Buenos Aires.
Den e inval aki polisnan a bin haya obhetonan arquelogico Chines y Egipcio protegi pa e ley local.
Sin embaro, nan a hiba un otro sorpresa ora cu den un local di benta di antiek y un deposito, nan a bin descubri varios elementoann cu simbologia Nazi. Entrenan, un busto di e maximo lider nacional/socialista Aleman, Adolf Hitler.
Segun informenan, e investigacion a cuminsa na October 2016, ora cu agenteanan di e Seccion di Investigacion di Delitonan Cultural a realia un inspeccion den varios luga di benta di antiguedadnan. Eynan autoridadnan a bin descubri varios obheto cu ta cay bou di e ley di “Protección del Patrimonio Arqueológico y Paleontológico”
Tambe autoridadnan a bin descubri piesanan cu tabata aparece den e “Lista Cora di Obhetonan Cultural Chines” emiti pa e Organisacion di Nacionnan Uni (UNESCO).
E minister di Siguridad di Argentina, Patricia Bullrich, a declara:”Nos ta conmovi, ta un hayaso hopi impresionante di e piesanan original di simbologia Nazi, embelamamn di un epoca tragico di historia” y el a agrega: “Nan no lo ta na benta mas, mas bien nan lo wordo hiba pa e Museo di Holocausto”.
Fuente: www.actualidad.rt.com