HONOLULU, Hawaii- Na Merca cada aña ta muri un miyon di persona door di tabaco. Esaki ta e prome causa di morto entre e malesanan cu por wordo evita y ta calcula cu un averahe di 40 miyon Mericano ta humado, cual ta un 15% di e poblacion adulto.
Richard Creagan ta un representante di e Partido Democraat den e estado di Hawaii. E tabata un ER prome cu el a wordo eligi na 2014 y e ta sigura cu sigaria ta “e artefacto mas letal di historia di humanidad”. P’esey el a presenta un amienda (proposicion di ley) pa aumenta e edad legal pa huma den e estado aki: 100 aña.
E proposicion mester cana e caminda di cualkier ley estatal y lo wordo debati pa parlamento di Hawaii, cu lo mester aproba esaki pa e por bira legal. Y, mas sigur, e lobby di tabaco lo eherce tur e presion posibel pa evita cu esaki sosode y ta sinti un precedente cu lo por expande pa full e pais.
Hawaii ta e unico estado, unda cu, actualmente e edad legal pa huma ta di 21 aña. Esaki a bira ley na januari 2017 y a bira un pionero, ya cu e resto di e pais ta varia entre 18 y 19 aña. Cu e ley nobo aki, niun persona menor di 100 aña lo por cumpra tabaco, aunke cu e ley lo wordo introduci di forma gradual.
Solamente sigaria tradicional
E proposicion di ley ta bisa cu e edad legal pa huma lo pasa di ta 30 aña na 2020, 40 aña na 2021. Pa 2022 e lo ta 50 aña, na 2023 e lo bira 60 aña y finalmente na 2024 e lo ta 100 aña, Esaki lo ta algo dificil pa e gran mayoria di e humadonan.
Den declaracionnan na Hawaii Tribune, Richard Creagan a sigura cu e sigaria a wordo diseña pa un industria “ridiculamente malo, pa e bira algo adictivo, sabiendo cu e ta mortal” y ta compara cu e leynan actualo contra di droga: “Laga nos no permiti cu e personanan tin acceso liber ni na droga ni na niun otro remedi cu mester di receta”.
E medida lo afecta no solamente sigaria tradicional ya cu ley ta laga tanto e sigaria electronico como tabaco pa kauw, como tambe siga. Según Creagean, esaki ta “esunnan mas safe” pa e humadonan, aunke e Instituto Nacional di Cancer ta avisa ariba su web cu “tur e productonan di tabaco ta dañino y ta causa cancer”.