E Landsverordering calidad di cuido ta inclui cu lo kier implementa nan mesun normanan, y no keda depende di Hulanda. Presidente di HAVA, dr. Joachim van Trigt ta amplia
Aruba mes mester bin cu su normanan di calidad pa wordo midi y cu mester voldoe na esaki. E Instituto di Calidad mester bira uno esencial. Aruba no tin e experticio ya cu nan no tin hende na nivel di universidad medico. Loke nan a sugeri na minister ta pa yen’e cu hendenan imparcial cu diferente parti di region. Kisas nombra dos hende local, uno di Hulanda, uno di Colombia, PAHO, Caricom y e ora ta yen’e cu’n cantidad di experticio internacional y ta uz’e como un Raad van Advies. E orat a bisa cu e studiante a bin di x- University di Colombia, evalua e studiante y duna conseho si esey ta suficiente of no. Y esey ta conta tambe pa Hulanda.
Ora cu bin cu su mesun normanan, cosnana cambia, studianteann a bin di Hulanda, cu ta bin cu deficiencia. Locual ta wak di e dokternan di Hulanda, cu nan no ta papia papiamento, nan no ta conoce nos cultura. P’ esey ta bon pa e dokternan tin mas miho relacion cu e pashent y con nan ta ‘ervaar’ cierto malesanan. Dado momento, e pais lo mester bin cu su mesun normanan di calidad. Locual ta pasa ta cu lo stop cu discriminacion cu Hulanda of Colombia ta miho. E ora bo mes ta bay dicidi kico ta bay acepta.
E instituto di calidad, aunke minister a bisa cu e bin cun’e, esaki tambe ta bay tarda. Dr. Joachim van Trigt no ta kere cu e lo por bin na 2019. HAVA ta dispuesto pa sinta cu minister na mesa y sigui dialoga. E minister mester di HAVA y HAVA mester di e minister pa sigui implementa e ley di cuido halto. Ta bon pa tur hende, y ta spera cu tur hende por compronde cu HAVA tin e miho interes na pecho. Dus, HAVA kier papia cu e studiantenan y no kier sigui den e discusion di polarisacion, cu si nan ta por of contra, HAVA ta por calidad di cuido, dr. Joachim van Trigt, presidente di HAVA a finaliza bisando.