Number uno (1) di mundo riba ranking mundial di baseball esta Hapon ta yega Mexico pa competi den WBSC U 23 “World Cup” y ta demostra pakico nan ta comanda e tabla di ranking mundial momento cu nan ta hunga y pasa pa final derotando Australia kende ta number 13 riba ranking cu score di 10-3 y asina conkista e titulo mundial den categoria U23. Australia tabata gana 3-0 te den di 4 inning momento cu Australia su defensa ta comete dos eror costoso unda Hapon ta capitalisa y ta bay ariba 4-3 cual nunca mas Australia a reacciona den e wega final aki. Yusuke Masago MVP World Cup U23 ta conecta su di 4 homerun liderando e torneo den inning number 4 di e wega final mientras Taishi Hirooka ta agrega un homerun di 3 careda momento cu Hapon ta explota anotando 5 careda den di 6 inning pa tuma bentaha di 9-3. Kyosuke Ono ta pitcha 2 inning en blanco pa pone e victoria riba su nomber relevando e starter Taiga Kashahara kende a permiti 3 careda na inicio di wega incluyendo un homerun di Zachary Shepherd ( Detroit Tigers Organization). Keisuke Honda a relava Kashahara den di 6 inning y a retira 6 bateador den fila incluyendo 5 strike out. Starter di Australia Nicholas Veale a mantene Hapon na 0 careda pa tres inning largo pero ta bay cas cu e derota despues di a permiti un total di 6 careda den 5.2 inning. Hapon ta perde solamente un partido 3-2 contra Panama den e promer ronda contra e 12 mihornan di mundo. Hapon ta logra gana 8 partido incluyendo e wega final y a anota 75 careda y a ricibi 17 careda contra durante e World Cup U23. Team femenino di baseball di Hapon tambe a gana e titulo mundial recientemente den luna di September. Premionan individual a bay pa Yusuke Masago Hapon MVP (3 Homerun, 13 RBI), Champion Batter Jacob Younis ( Australie) Ave 571, Best ERA Hsu Kai Hsiang (Taipei) 0.00, Best win and Loss Jiseob Lim ( Korea) 2 gana y 0 perdi, Mas RBI Cesar Diaz cu 17 (Nigaragua), Mas Homerun Connor Macdonald 4 ( Australia), Mas base roba Kai Ueda (Hapon) cu 6, Mas careda anota Jacob Younis cu 17. World Baseball and Softball Confederation (WBSC) sumamente contento cu e exito grandi aki di “World Cup” U23 cual a tuma luga na Monterey, Mexico. Reportahe compila pa Aruba Softball Bond miembro di WBSC.