Tokyo, Hapon — Fiscalnan Hapones ta acusa un homber como e sospechoso cu a asesina e ex prome minister di Hapon Shinzo Abe, den un tiramento aña pasa cu a resulta fatal pa Shinzo.
Fiscal nan na estado di Nara a bisa cu nan ta sospecha Tetsuya Yagami di asesinato y posesion di arma di candela despues cu Shinzo tabata dunando un discurso di campaña y a keda tira mata riba caya dia 8 di juli 2022
Yamagami ta hayando evaluacion psikiatrico desde aña pasa pasa desde cu el a keda deteni pa determina si Yamagami ta mentalmente bon pa por bay corte y para responsabel pa e acusacionnan cu tin den su contra. Su periodo di evaluacion a termina diamars 10 januari 2023.
Polisnan di Nara Nishi a bisa cu Yamagami a keda deteni riba e mesun dia y luga di tiramento despues di a admiti di ta esun cu a tira.
Doctor nan a bisa cu e bala ta loke a mata e ex prome minister paso el a drenta na un profundidad den e curpa cu ta casi yega e curason cu e causa di morto tabata cu el a perde dimas sanger.