Hilton a anuncia e nombracion di Hans-Georg Roehrbein como Gerente General di Hilton Aruba Caribbean Resort & Casino su propiedad di 357 camber, cual recientemente a completa un renobacion multi-miyonario.
Mas recien Roehrbein a sirbi como e Gerente General di e Cairo Marriott Hotel & Omar Khayyan Casino na Egipto, unda el a supervisa e operacion di e hotel aki cu tin mas di 1,000 camber, cu 14 fuente di cuminda y bebida, y mas di 1,600 miembro di ekipo.
Procedente di Alemania, Roehrbein ta un veterano di mas di 30 aña den e industria di hospitalidad, despues di a cuminsa su carera como un Sous-Chef na e Miami Airport Marriott Hotel na Florida. Den transcurso di mas di tres decada, el a desaroya su talentonan denter di e organisacion di Marriott.
Su prome 10 añanan a enfoca riba operacionnan di cuminda y bebida na hotelnan den ciudadnan principal na Merca y Bermuda, mientras cu e 20 y pico añanan despues a mira Roehrbein ta actua den rolnan di Gerente General y Gerente di Residente na India, Jamaica, Puerto Rico, Egipto y hasta na Aruba, unda el a habri e Aruba Marriott Resort & Stellaris Casino y a actua como e Gerente di Residente pa tres aña.
Hans-Georg ta trece cune un experiencia excepcional den operacionnan y cuminda y bebida, como tambe un record comproba di aumenta e relacion entre huesped y miembro di ekipo mientras cu el a sigura relacionnan positivo y pro -activo di doñonan.
Mirando su experiencia na Aruba den pasado, e ta familiar cu e destinacion y ta contento di por regresa pa encabesa e reposicionamento di Hilton Aruba Caribbean Resort & Casino.