QUEENSLAND, Australia- E polis di Queensland a detene un muhe di 62 aña cu problemanan mental, ora cu e tabata purba di hinca un hangua den un bacoba. Asina e corant Britanico The Guardian a informa.
Den cualkier caso, autoridadnan local no ta kere cu e persona aresta lo ta e responsabel pa e sabotahe na e strawberry door di uza un metodo similar, sino cu el a actua door di imitacion.
STRAWBERRY
Siman pasa, un habitante di e region Australiano aki a wordo transporta pa un hospital despues di a wordo hinca cu’n hangua cu tabata den e strawberry, un incidente cu a tuma luga den seis otro estado di e pais.
Pa miedo di mas incidente manera esaki, a provoca cu e supermercadonan a retira e strawberry di nan shelfnan y loke a cuminsa como un acto unico di “terorismo comercial” a pone un industria miyonario na rudia, segun e vice-presidente di e Asociacion di Productornan di Strawberry di Queensland, Adrian Schultz.
“Mi tin rabia, y esaki ta conta pa tur e personanan envolvi, nan ta e agricultornan, e hende cu ta suministra e strawberry nan, e packernan, e truckdrivernan cu famia pa cria, cu ta perde nan trabao di un dia pa otro.. E consecuencianan ta grandi, Schultz a agrega.
E caso aki a afecta shete diferente marca y gobierno di Queensland a ofrece un recompensa di 100 mil dollar Australiano na esun cu duna cualkier informacion cu lo por yuda detene e persona (nan) responsabel.