Hanch’i Awa ta importante pa duna e historia di awa na Aruba su balor

Diabierna tabata un dia hopi importante pa mundo henter, mirando cu ta celebra Dia Internacional di Awa. Y esaki tin su balor tambe den historia di awa na Aruba. Y pa esaki, Fundacion Rancho a inaugura Hanch’i Awa. E nomber a bin den e contexto di e Tanki di Awa, un momumento protehi.

Sr. Clifford Rosa a splica cu ta danki na colaboracion di diferente instancianan y tambe sponsoring di WEB Aruba, cu porfin a yega na e punto mas halto, pa traha hunto pa conscientisa Aruba tocante e importancia di awa.

Pa loke ta e futuro di e hanchi aki, por bisa cu e proyecto di Adopta un Hanchi, tauno cu ta tumando luga. E proyecto no tin un final, te ora cu tur hende ta contento cu locual nan ta desea. E proyecto di Adopta un Hanchi, a yega na un otro hanchi cu a yega na haya su atencion. Tin ora mester tuma un momento pa yuda embeyece bo area, bo teritorio. Pa Fundacion Rancho, mantencion di e hanchinan ta den man di comunidad mes. E ta un trabao en conhunto.

Tur monumento cu no tin atencion, ta core risisco di vandalismo y tambe di cosnan cu no tin motibo. Pero tambe e educacion tocante monumentonan ta importante. Y esaki ta wordo haci en conhunto cu Monumentenfonds, cu ta doño di e acto, cu ta mira cu ta necesario pa restaur’e. Monumentenbureau cu a pone su seyo ariba dje, cu ta indica cu e ta protehi. Esaki ta pa embeyece, mehora y restaura. E punto cu ta yega na dje, ta di conserva y restaura.

Fundacion Rancho ta esun cu ta duna lectura, den e area di rancho na turista, studiantenan, y e Hanchi Awa ta parti di loke nan ta bin ta haciendo caba, den educa e hobennan. E aña aki ta 10 aña cu Museo Arkeologico a habri den Schelpstraat den Rancho. Y un di e topiconan tabata esaki. Fundacion Rancho ta tene e luga habri pa e comunidad di Aruba por disfruta di un monumento industrial, pa conserva y comparti e historia tambe.

Tin hopi anecdota den Rancho. E no ta algo simplemente di historia di 1905 ora cu el a wordo construi (Tanki di Awa), pero full e periodo cu el a biba den e comunidad.

Comments

comments