Internacional: Cientos di mucha nan na Haiti ta buscando refugio na scol den e capital Port-au-Prince despues di a scapa di violencia di gang cu ya caba a cobra mas cien bida e luna aki.
Muchanan di chikito te cu tieners ta drumiendo na scol den klasnan na e instituto prestigioso di San-Luis de Gonzague. Un ola severo di violencia a explota entre dos gang rival dene aria di Cité Soleil riba 7 juli mas o menos 300 persona segun raportnan di observadornan di derecho humano cu a sali di Haiti. Segun informacion ricibi for di paden di e scol, diabierna muchanan tawata hungando futbol cu tapa di plastic como bala asina mes zuster Rosemiline un monja di e grupo religioso Kizito Family a bisa cu e muchanan mester di hopi ayudo, e situacion ta hopi malo di unda e muchanan ta, nos ta wardando riba cuminda pero loke nos ta ricibi no ta suficiente y satisfactorio pa e muchanan, zuster Rosemiline a continua na bisa cu e ta spera di por muda cu e muchanan mas pronto cu ta posibel pa un caminda mas stabil y mas safe.
Un grupo di organisador a conta cu e muchanan a bisti uniform di scol pa convence e lidernan di gang cu na caminda pa scol nan tawata pa asina por a scapa di e violencia, mayoria di e mucha nan aki ta nan so mirando cu nan mayornan no a logra scapa di e guera pa teritorio na Cité Soleil.
Bataya entre gang nan G9 y G-Pèp a explota ten a un guera dia 7 di juli pa control di e barionan den e aria di Cité Soleil cual a costa 300 bida incluyendo 21 curpa cu a wordo kima y 16 persona cu a wordo declara perdi e gang nan a kima cas nan a uza truck nan pa destrui hogarnan, segun raportahe nan a destrui mas di 125 hogar.
Situacion na Haiti a bira asina malo cu comienso di e siman aki consul di seguridad di Nacion Uni a vota unanimamente pa prohibi benta di cierto armanan di candela cu Haiti.
Violencia di gang a conoce un subida drastico despues cu mercenarionan a asesina president Jovenel Moïse aña pasa, segun oficina integra di Nacion Uni na Haiti 540 hende a wordo hiba como rehen y mas cu 780 a wordo asesina entre januari cu mei 2022 sin laga afo cu e ultimo 5 luna di aña pasa 396 persona a wordo hiba como rehen y 668 a keda asesina y ta danki na e violencianan innecesario aki mes Haiti ta experenciando problemanan di scarsedad di fuel y electricidad.
