PORT AU PRINCE, Haiti- E prome minister Haitiano, Jacques Guy Lafontant, diabierna a acusa Nacionnan Uni di interferi den e asuntonan interno di e pais. Esaki ta bin despues di e reciente declaracionnan emiti pa e responsabel di e Mision di ONU pa Husticia na Haiti ( (Minujusth), Sonia Page.
“E declaracion di e representante di Minujusth ta un injerencia den asuntonan interno di Haiti. Ta inaceptabel cu e organisacion internacional ta involucra su mes den temanan interno di e pais”, segun Lafontant den un conferencia di prensa, caminda cu ela papia di e problemanan di Husticia y di e crisis den varios scol di e pais.
E hefe di gabinete a keha di e opinionna duna door di Page despues di cu tribunalnan di e pais a dicidi di investiga denuncianan di presunto corupcion den e maneho di e fondonan di Petrocaribe, un acuerdo pacual Venezuela ta suministra petroleo bou di condiciones suave na varios pais Caribense.
Fuente: https://www.efe.com