Haime Trimon su castigo pa acto inmoral cu menor no a cambia

E siman aki tabatin sentencia den e caso cu e homber Haime Trimon a apela. E no tabata di acuerdo cu e sentencia di Corte di Prome Instancia, di cinco aña, pa cual el a apela.

Haime Trimon a bisa for di cuminsamento cu nada di e acusacionnan contra dje, haci door di e nietanan di su pareha e tempo ey, ta berdad.

E dos muchanan menor a declara riba e actonan di inmoralidad cu e tabata comete cu nan, door di mishi cu nan na e partinan intimo. Tur esaki tabata sosode ora cu e ta hiba nan camber pa yuda nan cu nan huiswerk y ta cera e porta na lock.

Den e caso aki no a acusa e homber di penetracion sexal pero di acto inmoral cu muchanan bou di 12 aña.

Den prome instancia el a haya un castigo di 5 aña y Hof a yega na e mesun conclusion. E tres Huesnan ah aya cu e pruebanan ta suficiente y e tipo di acusacion aki y mirando cu ta prome biaha, merece un castigo di cinco aña.

Comments

comments