Hackernan exitosamente a target comunicacionnan diplomatico di Union Europeo durante un periodo di varios aña. Miles di mensahe a wordo intercepta di diplomaticonan entre otro for di Presidente di Merca, Donald Trump te cu tradenan rond mundo. E situacion aki a wordo descubri pa un compania priva cu a wordo contrata pa conduci un investigacion riguroso. Sinembargo, oficialnan Europeo a bisa cu informacionnan confidencia y secreto no a wordo afecta pa e periodo di tres aña cu hackernan a drenta e sistema.
E mensahenan intercepta, conoci como “diplomatic cables”, a revela un intercambio caminda diplomaticonan ta papia di e reunionnan den luna di Juli ultimo, di presidente Donald Trump y presidente di Rusia Vladimir Putin. Un otro mensahe a duna detayenan di e reunion priva entre presidente di China, Xi Jinping y oficialnan Europeo, cu a tuma luga na cuminzamento di e aña’ki. For di e mensahe aki a sali e declaracion controvercial di Presidente di China: “Chiina no lo baha cabez pa e bullying for di Washington, Esey si hasta un guera lo por start”. Un cantidad di otr institucionnan, incluyendo Nacionnan Uni, tambe a wordo afecta pa e situacion aki y a bin ta riba alerta.