Awor cu awa a cuminsa cay, ban haci nos curanan di cas limpi pa preveni criadero di sangura, segun Sr. Marlon Pieters, di Bureau City Inspector.
City Inspector ta pidi tur hende pa haci nan cura limpi, awo cu temporada di horcan a cuminsa. Lo mester bolter tur loke por tin awa den dje, sushedad mes ta wanta malesanan cu por haya, por haya saponan, colebranan, carpata, tur e cosnan aki. Locual City Inspector ta conseha tur hende, ta pa haci limpi, pa haci uzo di e dos companianan cu tin bon promocion, pa huur container. Den caso tambe, si tin bisiña ta haci fastioso, City Inspector por intermedia, depende di e problema. No tur problema City Inspector por haci algo cun’e, pero si por check kico ta e problema, y purba intermedia.
City Inspector, Sr. Marlon Pieters ta pidi pa haci bo cura limpi, tene limpi, tene bo isla Aruba limpi. Asina ta evita basta criadero di sangura, y ta evita malesa.
Ultimo dianan City Inspector ta basta druk, y nan ta pasa informacion na e departamentonan concerni. Segun Sr. Pieters, nan ta bay duna asistencia, y si e no ta pa Bureau City Inspector, nan ta pasa e informacion pa un of otro departamento.
Si tin problema entre bisiñanan, por yama na 582- 9777 of via email [email protected]. Bureau City Inspector ta cla pa duna un man na cada ciudadano di Aruba.