Dia 22 di September lo bay tuma luga e eleccion pa Staten di Aruba. Conforme articulo 59 di e kiesverordening di Aruba, votantenan legitimo solamente ta permiti pa vota cu un ID valido, un rijbewijs valido di un di e paisnan den Reino Hulandes of un paspoort Hulandes valido.
Pa loke ta rijbewijs, tin cu tene cuenta di lo siguiente:
No tin un interface interno den registro civil na momento di otorgamento di rijbewijs, cu por tin como consecuencia cu por tin tikfout riba e rijbewijs. Den cuadro cu e datonan personal no ta cuadra cu e datonan oficial di e persona, manera cu tin den registro civil.
No tin un “overname” di e historia y/of database di e rijbewijsnan. Tur dato di personanan cu tin derecho riba un rijbewijs ainda ta den e banco di dato di registro civil.
No tin puntonan di control y/of distincion di funcionnan incorpora den e sistema di produccion di rijbewijs.
for di investigacionnan preliminar y comparacion di dato cu a wordo haci pa Censo, a sali na cla di e 30 mil rijbewijs cu a wordo otorga den e periodo di Juni 2016 te cu November 2016 (e informacion aki a wordo suministra pa Cuerpo Policial), un cantidad di 1500 rijbewijs cu datonan di persona no ta cuadra cu e datonan di censo. For di mustranan haci di e 1500 rijbewijs, parce cu 8 di e 10 casonan ta trata di votante, caminda cu e rijbewijs tin un of mas fout. e foutnan aki por ta un leter den e nomber of fam of un nomber of fam cu ta completamente fout, pero tambe por tin fout den fecha di nacimento of luga di nacimento.
Consecuencia di e tikfoutennan aki ta cu e documento ta perde su validez.
Un conseho cu Conseho Electoral tin ta pa por tira un bista riba e foutnan aki, sea cu ta riba Rijbewijs, Paspoort of ID, y haci e cambionan na ora, pa asina bo no keda sin vota.
Na e mesun momento Corte Comun di Husticia a apunta dr. Glenn Thode como presidente di e Conseho Electoral y tambe mr. ing. Hubert Maduro lo bira vice presidente, nombra pa e presidente Algemene Rekenkamer di Aruba. Esaki lo ta entrante 17 di Juli 2017.