Habitantenan di Seroe Patrishi cansa y harta cu pos di casnan di FCCA ta bay over

Habitantenan di e casnan di pueblo na Sero Patrishi ta cansa. Cansa cu cada biaha e pos ta bay over y ta pidiendo yudansa. Nan a tuma contacto cu FCCA, pero tur biaha nan ta bisa pa yama Ecotech, aunke cu e casnan ta di nan y nan ta sinti cu e cos aki tin cu stop.
Segun un di e habitantenan, e problema ta como lo siguiente: “E ta un problema cu pa aña sigur 2 pa 3 biaha ta un problema.
Esaki ta e casnan di pueblo y ta un pos central tin. Si ecotech falta 1 dia y mita pa bin, e pos ta bay over. Eybanda tin mucha ta hunga y demas cas y ta masha viez mes.
E luga ta e Chines Flores Supermarket bin straight abou te na final di e caminda y automaticamente mester bira bay man links y bo ta core tope cu e awa den e bocht.”
Ta di spera cu e problema aki por wordo soluciona y entidadnan envolvi tuma nota di esaki, pasobra caminda cu tin vivienda y mucha ta hunga, naturalmente e luga mester keda manteni limpi.

Comments

comments