Habitantenan di Parkietenbos a manda un mensahe cla y raspa a e participantenan di e Green Conference, pa por fabor yuda crea conciencia di e problema na dump, cu ta peligroso pa salud di hende. E dump, un landfill cu ta den uzo pa mas di 80 aña, no ta conta cu e control rekeri segun normanan internacional di maneho di sushi (waste management). Hopi material toxico finalmente ta caba den lama. “Ta esaki ta e futuro cu nos kier laga atras pa nos yiunan?”, e habitantenan ta finalisa.