Diamars pasa di 11:30 anochi rib’e caminda di Ponton pa bay Tanki Flip net algun cas pazuid di e rotonde Tanki Flip habitante di edad sinta pafo di cas a pega algun foyo na candela den un bari y esaki a produci hopi huma. Automobilistanan pasando a kere ta cas na candela y aki a bati alarma na brandweer. E unidad di bombero a presenta di biaha y a constata cu no tabata cas na candela pero a topa cu e situacion cu tabata huma pa core sangura. Despues di rato e habitante a bolbe cende esaki na candela y e biaha ki a produci basta huma te hendenan a yama polis, aki patruyanan a presenta cu sirena keriendo ta cas na candela. E oficialnan a papia bon cla cu e habitante pa paga e candela aki debi esaki ta treciendo confusion.