Diaranson anochi habitante di Madiki Kavel a constata cu tin basta huma ta saliendo fo’i un cas y a bati alarma na autoridad cu tin un cas na candela. Di biaha a dirigi dos unidad di brandweer, y polis p’e sitio.
Na yegada di e unidadnan a constata cu di berdad tin huma ta saliendo di e cas paden y tin un weya na candela, a drenta paden y combati esaki di biaha evita cu e cas pega candela.
Polis a papia cu e habitante y e homber a duna di conoce cu el a bay keinta algo na stoof y a pega soño. E mes a keda spanta y a gradici e accion rapido di autoridad.
