Durante un conferencia di prensa Prome Minister Evelyn Wever Croes a papia di e situacion actual na Aruba relaciona cu e pandemia. Den cuadro di un reduccion di e casonan, a dicidi di adapta e medidanan vigente.
Orario di ciere di establecimentonan cu awo ta 9 ta bira 10’or di anochi y TDQ cu ta 10’or ta bira 11’or pm. Gebiedsverbod cu tabata 7’or di anochi a bira 7.30 pasobra solo ta baha mas laat. Gymnan ta habri dia 26 di april cu protocol estricto y tambe ta permiti atrobe drive-by y drive-thru.
A yega na e cambionan aki despues di reunion cu gremionan y Crisis Team. Tur siman ta evalua e pasonan cu mester tuma mientras ta trahando pa yega na 85% di e poblacion vacuna.
E mandatario a bisa cu ta hopi cauteloso pasobra si bini na brote, lo mester tuma medida. Su preocupacion ta cu falta algun siman (10) pa yega eleccion y mester wak e situacion pa evita cu ta traspasa e virus den e periodo aki.