Guillfred Besaril di MEP: Presencia di polis riba caya por preveni atraco

No tin prevencion ta tumando lugar na e momentonan aki mirando cu no tin polis riba caya, pasobra esaki ta trece cun’e cu tin tanto crimen na Aruba, segun Guillfred Besaril di fraccion di MEP.

Tin cu para keto un rato con MEP ta mira prevencion. Prevencion pa evita cu cierto cosnan ta tuma luga, sosode y den e prevencion aki tin diferente areanan di importancia. Den prevencion cu e ciudadano of e comerciante por tuma pa su mes. Por ehempel instalacion di camara of companianan di siguridad por duna cierto atencion adicional. Di parti di Gobierno e area di mas importante pa prevencion, ta e presencia di e polis riba caya. Con nan ta pasa den e barionan, con nan ta duna atencion, sea den vehiculo, sea durante control di trafico, sea cu nan ta riba bicicleta den caya, sea cu nan ta riba seadoo riba lama. Pero nan presencia den e area aki di prevencion ta esencial.

Besaril a sigui splica cu esaki ta pa dos factor. E prome factor ta cu den e caso aki, na e momento cu tin presencia latente den nos comunidad, e ora ey esnan cu tin algo robes hinca den nan cabes, lo bay cambia mesora di actitud. Ta pesey e presencia den prome instante ta importante.

E di dos aspecto pakico Besaril a elabora ampliamente riba esaki, ta cu a yega na nan atencion cu Boneiro a bolbe pidi ayudo na Aruba pa asina aki manda un cantidad di polis bay yuda. En principio MEP ta sinti su mes uni, ta sinti su mes cu hopi hermandad cu Boneiro. Tin un pregunta hopi esencial pa laga riba mesa si cual tin cu wordo haci na minister di husticia y prome minister di Aruba, ya cu e ta encarga cu orden publico. Con por ta posibel cu ta dispuesto pa manda nos hendenan bay yuda Boneiro, cual ta algo noble y mester keda sosode na un forma structural, pero con por ta posibel cu ta dispuesto di biaha pa manda hende pa Boneiro y tin simannan ta bisa caba cu tin varios indicacion, na varios ocasion cu ta tumando wardanan, por ehempel si mira e aspecto di polisnan uniforma, ta tumando wardanan onderstaf.

Na Juni ta manda un nota pa tira un handrem pe loke ta overtime, pasobra placa ta cabando. E ora ey, ta con ta posibel cu tin un problema structural, e cantidad di personal cu tin cu duna servicio na nos comunidad, pa nos pueblo sinti su mes sigur, en bista di e ola di atraco cu ta tumando luga, con por ta posibel cu no tin cen of no tin e medionan disponibel pa asina aki por traha optimal, pero ta cla pa manda un cantidad bay duna asistencia na Boneiro. Esaki ta contradictorio. Besaril kier sa e ora ey, den ki forma e ta tuma luga, no con el a tuma luga caba.

Tin cu para un rato den presente cu ta awor aki, caminda cu tur dia practicamente, tin un atraco. Ta haya diferente ocasion, cu ta wordo informa, a tuma e wardanan sin e cantidad minimo necesario pa por haci e trabao. E no ta solamente un falta pa e pueblo cu ta spera un servicio, pero tambe e ta un falta grave pa e propio siguridad di e polis cu tin cu sali bay haci un trabao pafo. Pesey ta cuestiona e aspecto aki. No den e caso di hermandad y mancomunidad Europeo cu nos ta biba aden, cu semper asistencia lo bin di Aruba, Corsou, Aruba-Boneiro, Aruba-St. Maarten y vice versa. Den e sentido cu  na e momentonan aki, ta sinti cu criminalidad a yega un climax riba e pida baranca aki y ta mira cu ta manda pidi pa hala un handrem riba loke ta overtime, ta pidi pa bay zuinig cu e poco placa cu a presupuesta.

MEP a bolbe haya rason cu tabata trata di un presupuesto ficticio, pasobra e no ta alcansa e embergadura cu ta wordo spera di Cuero Policial, a e funciona optimal y ta cla pa manda hende e ora ey Boneiro, segun Besaril.

Comments

comments