Guillfred Besaril di MEP: Nada no a wordo haci pa loke ta e Panic Button

SAMSUNG DIGITAL CAMERA

Pa basta tempo a papia cu e Panic Button di parti di MEP. Pero nada no a ser haci. E proyecto aki lo a traha hopi bon na hopi pais y no ta costa Gobierno nada pa haci algo pa esaki segun Guillfred Besaril.
Ora cu Besaril a mire na Buenos Aires, caminda cu e ta wordo duna pa situacionnan, manera cerca hende muhenan cu ta den relacionnan abusivo y cu bo ta busca un manera di yuda y protehe nan. Te con leu nos ley ta bay.
Den Parlamento a aproba pa bin supervision di camara. A discuti di privacidad y a sali afo cu esaki ta bon pa Aruba, pero no a mira nada sosode, ni un camara a wordo poni ainda. Awo ta con a para cu esey. Na varios ocasion a menciona den liña grandi, pa reenforsa surveillance, hunto K9 Unit, pa tin mas patruya riba caya. Na varios ocasion a bisa cu tin diferente departamento cu ta colabora cu Cuerpo Policial. Husticia ta mucho mas cu solamente Cuerpo Policial. Mester ricibi atencion di inmediato. Por ehempel Reclassering. No ta mucho tempo pasa nan tabata tin un proyecto caminda cu nan ta reintegra hobennan cu a bay den mal caminda, reintegra nan den nos sociedad. Diripente por mira cu pa falta di fondo e proyecto ta bay awa. Asina no por deal cu partnernan social, parnetnan den e cadena hudicial.
Semper a purba di yuda y semper el a wordo ridiculisa durante e diferente reunionnan di presupuesto. Ta un realidad hilarico cu e mesun minister cu algun aña pasa ta bisa cu no mester ayudo di MEP, pa realoca 9 pa 10 miyon florin, awe, 4 aña despues ta bon dilanti cu ta net e 9 pa 10 miyon florin e tin mester pa e haci e trabao cu e tin mester. Esey ta nifica cu 4 aña pasa ta politica e tabata hunga y no tabata bezig cu e realidad cu ta biba eybao.
Mescos cu a recomend’e diferente cos na varios ocasion, caminda cu a bise entre otro cu tin cu bin cu un bureau di calidad, un idea simpatico cu a bay file 13. E no a haci nada na dje. Dicon bureau di calidad ta asina importante, den tur e masterplan di MEP, pasobra nan ta bay ta esnan cu ta bay sali bay den nomber di Parlamento cu tin cu goberna, cu tin cu un presupuesto y bisa loke tin cu biba y come eyfo, vooral riba tereno di husticia. Bo wowo y horeanan no por tey tur caminda, pero tin bo hendenan cu por traha pabo y keda convivi cu pueblo. Ta diferente punto cu MEP a bin ta anuncia, y lamentablemente despues di 7 aña bo ta mira cu bo tin un minister eynan cu mester a warda te na e momento cu e baca a hoga pa e mira wak kico e ta bay haci, segun Besaril.

Comments

comments