WASHINGTON, D.C., Merca- E guerra contra di Mara Salvatrucha (MS-13) cu e president di Merca a anuncia na final di Juli, lo tin consecuencianan mortal. Esaki segun varios miembro di un di e gangnan mas violento di mundo.
E lucha pa elimina MS-13 a cualke costa a hiba na deportacionnan masivo di sospechosonan di implicacion den e red criminal, lanta door di inmigrantenan Salvadoreño na Los Angeles (California, MERCA).
Mientras tanto, polis y militarnan di El Salvador a impulsa e caza di e miembronan di e banda ey y nan patruya ta registra e ciudadanonan buscando tatuahenan di e miembronan di e banda ey of otro indicacion di actividad criminal.
Un ex- miembro di e gang, “Jose” a bisa cu unabes cu polis haya sa unda cu mi ta biba, nan lo bin detenemi y matami”, pa esey e miho manera di protehami ta di bolbe na e filanan criminal ya cu mi no “kier muri por nada”.
E operativo anticriminal na El Salvador no ta unicamente precuacion. Den añanan 90, Merca a deporta hopi miembronan di MS-13, kende a probecha di e bashi den poder den un pais destrui den un guerra civil y a asumi e control di ciudadnan completo.
Gobierno Salvadoreño ta maneha e problema di e unico manera cu nan conoce: arresta e pandiyeronan den gran cantidad y yena e prizonnan, cu ya tabata sobrecarga. MS-13 no ta acepta disertcionnan. Personanan cu bandona e gang lo paga cu nan bida.
Fuente: https://actualidad.rt.com