WASHINGTON, D.C., Merca- E guera di descalificacion mutuo entre Trump y e senador Bob Corker a domina e ambiente cu tabata tin prome y despues di e lunch cu e Republicanonan pa celebra den Capitolio pa cuminsa trata e plan fiscal di e mandatario.
E dosnan, Trump y Corker, a asisti na e lunch tras di portanan cera y nan a bay sin duna declaracionnan na periodistanan despues di e guera di palabra cu e dosnan tabata tin durante horanan mas trempan di dia.
Corker y Trump a bin ta enfrenta otro desde un para di tempo pasa, y diamars Corker a conseha Trump a e mantene su mes na margen di e elaboracion fiscal y laga esaki den man di profesionalnan, un sugerencia cu e mandatario a responde cu’n serie di insulto den direccion di e Senador Republicano, riba su cuenta di Twitter.
Corker, actual presidente di e Comision di Relacionnan Exterior di Senado, no a keda keto despues di e insulto y a cuestiona e capacidad di e Trump pa goberna, ademas di acusa e presidnete di “degrada” Merca.
Fuente: https://www.efe.com/