Internacional: China diabierna a tuma represaya contra e tarifanan specifico pa e pais di presidente di Merca Donald Trump door di hisa su impuestonan riba productonan di Merca na 125% for di 84%, e Ministerio di Finansa Chines a bisa.
“Asta si Merca sigui impone tarifanan mas halto, e lo no tin sentido economico mas y lo bira un chiste den historia di economia mundial,” e ministerio a bisa den un declaracion.
“Cu e tarifanan di tarifa na e nivel actual, no tin un mercado mas pa productonan di Merca importa pa China,” e declaracion a señala, agregando cu “si e gobierno di Merca sigui aumenta e tarifanan riba China, Beijing lo ignora.”
E siguiente paso lo ta pa evalua e daño na actividadnan economico na Merca y China, Zhang a bisa, agregando cu no tin señal cu e dos gobièrnunan lo cuminsa negosiacionnan y evita interupcion grandi den e cadenanan di suministro mundial.
Contrario na e rondanan anterior di medidanan di represaya, Beijing a abstene di anuncia mas medida di control di exportacion of amplia su asina yama lista di entidadnan inconfiabel cu e adicion di mas firma Mericano, cu lo somete nan na mas restriccion mientras nan ta opera na China.
Speransa pa un acuerdo entre Merca y China pa resolve e tenacionnan comercial a disparce lihe ya cu Beijing a bin ta dal bek den e ultimo siman cu impuestonan tit-for-tat riba mercancia mericano y restriccionnan amplio riba negoshinan mericano.
