Guera comercial entre Merca y China ta afecta Wall Street

NEW YORK, Merca – E accionnan di Wall Street a habri cu caidanan fuerte debi na e preocupacionnan cu ta reina mei mei di inversionistanan pa e posibilidad di cu e disputa comercial entre Merca y China lo sigui.
Según informacionnan, na e apertura di e promedio industrial DOW Jones, esaki a cay cu 64.64 punto of 0,25%. S&P500, tambe a habri cu’n caida di 7,62 punto of 0,27% mientras cu Nasdaq a cay cu 29,27 punto, of 0,37%.
Entrante 10 di mei e tarifanan di importacion pa un serie di mercancia Chines te cu’n balor di 200 biyon dollar pa aña, lo subi di 10% pa 25%.
E Ministerio di Comercio di China a señala diabierna cu “e ta lamenta profundamente e “aumento di tarifa di importacion” door di Merca y a agrega cu e no tin otro salida cu tambe tuma medidanan pa cu esaki.

Comments

comments