Relaciona cu e ladronicia cu a tuma luga na Aruba diahuebs merdia dos homber Venezolano a pasa man pa dos waverunner di un compania di watersports na Eagle Beach y bay afo, e personal tambe di e watersports a bay nan tras y purba comunica cu polis. E hombernan aki a dera trot tur cu tin yega te na e area di Nikky beach pabou airport y asina tuma renaisance island bay zuid di biaha. Radarnan di Aruba a capta nan con lihe nan a drenta awa Venezolano, pero ora e Venezolanonan aki a kere cu nan paisanan no lo hacinan nada, nan a faya.
Guardia Nacional a capta contacto ilegal biniendo di Aruba y di biaha a manda un boto, a start un persecucion grandi mes for di e costa di Punto Fijo di costanan Cabo San Roman a dunanan varios intento pa para pero nada.
Nan a purba haci seña cu guardia cu ta nan hendenan pero asina mes a sigui nan tras, guardia a bashanan cu varios bala pa para pero nada. Te na La Macolla nan a yega eynan a subi e waverunnernan tur cu tin riba costa y asina bashanan cu bala atrobe pa nan para.
Guardianan no a basila ni maske cu nan ta Venezolano y a detenenan, a sospecha cu nan a haci malo ora a mira e matricular di Aruba riba e waverunnernan. Segun nos fuentenan confiabel na Venezuela nan ta deteni na La Macolla y e waverunnernan ta den beslag.
