Diahuebs anochi Guarda nos Costa a bishita Dennis Bar situa na Hooiberg como sorpresa y a canta bingo a bin haya basta dama ilegal trahando. Di biaha a bay over na control y a resulta cu nan no tin documento pa ta na Aruba y ni pa traha den bar.
E van di Guarda nos Costa a yena cu 8 dama cu a keda deteni. E persona encarga cu e bar y mas hende den e bar a lanta cu Guarda nos Costa ora nan tabata haci nan trabou. Nan no tabatin e forma pa yama rapidamente paso e hefe mes di e departamento cu ta cana cu radio nunca no ta presente na accionnan y e trahadornan falta material, aki a hayanan ta yama Central di Polis via celular pa pidi yudansa di Polis cu a yega algun rato despues pa duna un man y calma e situacion pero asina mes e propetario no kier tende. Un total di 8 dama a bay cu Guarda nos Costa.