ITALIA – Guardia Costera Italiano a informa cu den e ultimo oranan a coordina e rescate di 933 persona y e recuperacion di tres cadaver durante labornan di patruya y ayudo den Mediteraneo.
Guardacosta a splica den un comunicado cu e 933 personanan salba tabata abordo di shete boto neumatico y un boto di rubber y a wordo asisti den distinto dispositivo coordina pa e Central Operativa di Guardia Costera di Roma, perteneciente na e Ministerio di Infrastructura y Transporte.
Den e operacionnan a participa navenan di Marina Militar Italiano, un embarcacion militar Irlandes, un yate priva y dos embracacion di varios ONG.
Ta trata di un balance nobo cu ta suma na e intentonan di rescate di imigrante y refugiado cu Italia ta coordinando den e ultimo simannan.
E intento fluho di persona cu den e ultimo dianan a purba di yega Europa atrabes di Italia ta pone di manifiesto cu e problema di imigracion ta sigui ta un di e desafionan mas importante cu Union Europeo tin cu haci frente. Gobierno Italiano a exigi recientemente na e paisnan miembro pa asumi nan responsabilidad y incluso prome minister, Matteo Renzi, a sugeri cu por veta na e presupuesto di Union Europeo si persisti loke ta considera un falta di solidaridad cu e drama di refugiadonan.
Fuente: NTN24