Recientemente, personal di Guarda Nos Costa a estrena nan uniform nobo den presencia di minister di Husticia, mr. Andin Bikker.
Trabao di Guarda Nos Costa ta un trabao duro y uno masha importante. Por a tuma nota di sospechosonan ilegal no solamente a falta respet pa nos leynan di LTU, pero tambe di leynan penal. Antes solamente 20% di personanan cu tabata bin di afo, tabata comete crimennan y aworaki tin un shift cu ta 40-50% ta haci esaki. Ta importante pa Guarda Nos Costa nos leynan di Admision y Expulsion. Ta importante pa mantene orden y respet pa nos leynan.
E siman aki ta spera di inaugura un luga nobo, unda cu por tin mas capacidad di detencion, pa e personanan cu ta pendiente, pa wordo evalua y expulsa. Y hunto cu DOW ta trahando pa drecha e situacion actual.
Pa Guarda Nos Costa eherce su trabao, nan mester di material. Y danki na Sra. Trudy Hassel, cu ta keda pone presion pa e materialnan. Ta importante pa e personal por sigui crece den nan trabao, y lo sigui cu opleidingnan, pa e personal por sigui haya nan bevordering.
Segun e minister, e personal di Guarda Nos Costa ta pasa mas
tempo na trabao, y p’esey ta importante pa nan tin tur e materialnan necesario pa nan por eherce nan trabao di mantene orden y respet pa nos leynan.