FLORIDA, Merca – Guarda Costa Mericano a repatria 142 imigrante Cubano cu a purba di drenta ilegalmente den e pais via lama y a wordo intercepta den 15 operacion distinto den awanan di Florida Keys, e institucion aki a informa diabierna.
Diasabra ultimo a wordo repatria 43 Cubano pa Bahia de Cabañas (Cuba), otro 63 diaranson y 36 diabierna ultimo, Guarda Costa a señala den un comunicado.
“E repatriacionnan aki ta resultado di 15 interceptacion diferente den awanan di zuid di Florida, den operacionnan distingo pa sigura cu e frontera di merca y evita cu e biahenan aki via lama por caba den un tragedia,” Mark Gordon, hefe di e districto septimo di Guarda Costa, a bisa den un comunicado.
Gordon a bisa cu “Guarda Costa y e agencianan asocia lo sigui diligentemente patruyando den e awanan rond di Florida pa impedi actividadnan migratorio ilegal,” na e momento cu el a expresa su “preocupacion pa imigrantenan cu ta riesga nan bida poniendo nan mes den man di traficantenan di hende of nabegando den embarcacionnan precario.”
Desde dia 1 di October 2015, por lo menos 6850 Cubano a purba di emigra pa Merca via lama, comparando cu e 4473 conta durante henter e aña fiscal.
“E estadisticanan aki ta representa e cantidad total di interceptacion den e awanan rond di Florida, Caribe y Oceano Atlantico,” e institucion a splica.
Fuente: NTN24