GUAJIRA, Colombia – “Pa loke ta e situacio na La Guajira, Gobierno Nacional lo tuma medidanan necesario pa garantisa e bienestar y trankilidad di su habitantenan.” E mensahe manda pa e presidente Juan Manuel Santos, desde su cuenta di Twitter, poco ora despues cu magistrado di e Tribunal Superior di Bogota lo a encarcela e gobernador Wilmer Gonzalez, ta refleha e preocupacion cu ta existi respecto na e presente y futuro di e region aki, caminda cu e corupcion administrativo a causa un crisis humanitario.
E detencion di Gonzalez pa cuater presunto delitonan electoral, entre nan cumpramento di voto, cometido, segun e fiscalia, na bispo y durante e eleccion atipico caminda cu el a wordo eliigi dia 6 di November ultimo, a agrava e panorama politico cu ta biba desde dia 1 di Februari, tras e captura y encarcelamento di Fabio Velasquez, alcalde di Riohacha.
E mandatario Capitalino a wordo encarcela, cu su secretaria di Educacion, Dilcey Acosta, pa un presunto preculado di $1.175 miyon den alimentacion escolar.
“Nos tin cu tuma decisionnan cu ta bay hopi mas leu cu simplemente nombra un Gobernador encarga of un Alcalde designa pa e Districto di Riohacha,” esaki e minister di interior, Juan Fernando Cristo, a afirma diasabra den un mensahe virtual conoci pa El Heraldo.
Su declaracion pa e referencia cu desde diahuebs ultimo e Alcaldia di Riohacha ta den winterslaap, pasobra a vence e periodo di vacacion di Velasquez y esaki no por asumi su funcionnan pasobra e ta cera, pero tampoco no por sigui actua esun cu tabata na encargo: Miguel Pitre Ruiz, secretaria di Obranan y Infrastructura. Pa colmo di malo, e Gobernacion di Guajira tambea keda sin e timonel, pasobra Gonzalez a encarga su funcionnan te cu diabierna – dia cu el a wordo encarcela – na e secretario di Obras, Delay Magdaniel.
Es decir, e administracionnan departamental y capitalino ta un barco cu ta pa sink. Pesey El HEraldo a haya sa cu tabata cita den un reunion cu e Presidencia di e Republica, pa dialuna, esta awe, pa 5’or di atardi. “Tin cu preveni e Departamento a fondo,” tabata e concepto, Cristo a expresa.
Fuente: www.elheraldo.com