Comision Celebracion Dianan Nacional (CCDN) ta participa na tur gruponan uniforma tanto di autoridad, scouting, social, cultural y deporte pa pasa busca nan formulario di peticion pa inscripcion di participacion na e desfile pa Dia di Himno y Bandera riba 18 di Maart venidero na Departamento di Cultura Aruba riba L.G. Smith Boulevard # 134, prome piso tras di DA Drogesterij. Ultimo dia pa inscribi lo ta riba dialuna 13 di Maart 2017.
Banda di e acto protocolar y aubade lo tin e desfile cu aña pa aña ta birando mas grandi y ta un oportunidad pa laga nos mandatario, invitadonan y pueblo cera conoci cu tur nos gruponan uniforma.
E aña aki e hisamento di bandera y cantamento di nos himno lo tuma luga respectivamente riba Plaza Betico Croes y dilanti di Plaza mes riba Vondellaan.
E desfile lo sali for di Shakespearstraat subi Vondellaan na crusada Colegio Arubano sigui pa Plaza Libertador Gilberto F. Betico Croes pasa dilanti di e mandatario y invitadonan drenta dilanti di Cas di Cultura y termina riba Stadionweg banda di ex John F. Kennedy School.
Ta importante pa nos celebra nos Dia Nacional di Himno y Bandera conhuntamente cu nos mandatarionan y duna apoyo na nos participantenan di desfile cu ta un atraccion di tur aña. Caminda ta duna honor na nos bandera.
Na tur esnan cu ta bay participa na e desfile ta ser pidi na nan lider of representante pa tuma contacto cu Sr. John Hassell, subcomision CCDN via email: [email protected] of [email protected] .
Na e lidernan cu lo a ricibi e formulario via nan mail, sea asina bon di yena e formulario aki y mand’e bek pa Sr. Hassell di CCDN mas lihe cu ta posibel pa por procesa e inscripcionnan. Esnan cu a cambia di e-mail por fabor manda e e-mail cu adres electronico corecto pa Sr. John Hassell via su e-mail.
Comision CCDN ta spera cu nos gruponan uniforma tuma nota di esaki, inscribi y participa na nos desfilenan di 18 di Maart proximo. Ban celebra nos dia nacional den grandi. Ultimo dia pa inscribi lo ta dialuna 13 di Maart venidero.