Eleccion na Venezuela lo ta 22 di october 2023 pa scoge e candidato unico pa eleccion. Pa e grupo di venezolano por haci esaki posibel, e personanan cu nunca a yega di inscribi pa vota por haci esaki te cu dia 9 di juli 2023.
Ta hopi importante mensiona cu di 81 pais cu e venezolanonan tin e chens pa vota, Aruba ta un di e pais cu a wordo scogi pa haci esaki. E inscripcion lo ta online y te cu 30 di juni 2023 tabata tin un 77 persona cu a inscribi, aunke na Aruba tin un careda di 18 mil venezolano. E pagina online por presenta problema ya cu ta hopi ta purba inscribi pareu, pero ta pidi tur hende pa tin pasenshi y insisti pa inscribi.
Segun Sra. Laura Luces, ta sumamente importante pa tur venezolano cu no a inscribi ainda pa un of otro motibo por haci esaki awo. Ta invita tur Venezolano pa inscribi pa prome biaha y mustra henter e mundo cu e venezolano nan cu ta biba afo tambe ta pendiente y kier e miho pa nan pais.
E inscripcionan aki no ta wordo haci cu CNE, esaki ta wordo haci mes un cos cu tempo Capriles a gana na Venezuela. Pa asina tin un registro legal y cu e grupo aki di venezolano por tin mas control di e votacionnan.
Sra. Laura Luces a finalisa ta bisa “ Nos miho arma ta e votacion, ban inscribi y vota”
Riba potret por wak con pa inscribi.