Grupo Surcorerano BTS acusa di uza simbolonan Nazi

E exitoso grupo di Zuid- Korea, BTS a wordo critica door di un organisacion hudiu di derechonan humano pa a pose cu sombrenan cu simbolonan Nazi.

Den un comunicado riba su website, e Simon Wiesenthal Centre a bisa cu e popular grupo K-pop a pose cu sombrenan cu e logo di SS Nazi, Death Head, cual tabata e organisacion cu tabata vigila e camponan di concentracion Nazo.

Recordando cu siman pasa, un actuacion di e grupo na television Japones a wordo cancela despues di cu un di su integrantenan a bisti un t-shirt cu tabata parce di ta celebra e bombardeo atomico den e ciudad Japones Nagasaki, segun e rabbi Abraham Cooper. Cooper ta e decano asocia di e centro y director di accion social global cu a bisa cu e grupo debe e “pueblo di Japon y e victimanan di Nazismo”.

E declaracion ta bisa ademas cu e integrantenan di e grupo a uza banderanan ariba escenario cu tabata tin imagennan cu tabata “inkietantemente similar” na e swastiki uza pa e Nazinan.

E accionnan lo haci cu e generacion mas hoben rond mundo lo ta mas inclina na “identifica fanatismo y intolerancia como ‘genial’ y lo yuda ‘na disparce leccionnan di historia”, Cooper a bisa.

E centro a critica e banda tambe pa a “burla di e victimanan” di e bombardeo.

Rabino Cooper a pidi pa tanto e integrantenan di e grupo como tambe nan representante ofrece nan disculpa publicamente.

BTS, miho conoci como Bangtan Boys, ta un banda di hobennan Surcoreano di shete miembro cu a debuta na 2013. Na mei di e aña aki nan a yega na e Billboard Top 200 cu su lansamento di “Love Yourself: Tear”.

Comments

comments