Grupo papiando Spaño a mata presidente di Haiti

Presidente di Haiti, Jovenel Moïse, a wordo tira mata rond di 1’or di marduga na su cas priva, asina prome minister interino di e pais, Claude Joseph, a informa.

Joseph a saca e declaracion aki, cu a wordo manda pa prensa internacional via di e embahadanan.

“Rond di 1’or di marduga, diaranson, 7 di juli, 2021, un grupo desconoci, di cual algun tabata papia Spaño, a ataca e residenca priva di president y nan a tir’e mortalmente. Prome dama tambe a ricibi un tiro y ta hayando tratamento necesario,” e documento ta bisa.

E declaracion no ta menciona di ki forma a mata presidente Moïse.

Mientrastanto, prome minister interno a califica e hecho como un “acto atroz, inhumano y barbaro,” y na mesun momento a pidi e pueblo pa keda trankil. “E situacion di siguridad na e pais ta bou di control di Polis Nacional y Forsanan Arma di Haiti,” e declaracion ta bisa.

“Ta tumando tur e medidanan pa garantisa continuidad di Estado pa protégé e Nacion,” e informe ta bisa.

 

 

Esaki ta un video ta cu ta circula riba rednan social.

 

Moise tabata president via decreto desde mas cu un aña pasa door di ausenciadi un Parlamento eligi. Na april ultimo, president di Haiti, Jovenel Moise, a apuntaa un prome ministro nobo pa e pais, Ariel Henry, den reemplaso di Claude Joseph, kende a bira interino.

 

Comments

comments