Oranjestad – Pa hopi tempo tin organisacionnan social pa nos grandinan cu a sigui ta activo den diferente districto di Aruba. Por ehempel un di nan ta e organisacion Senioren ‘Golden Agers’, cua nan ta hunto cu YMCA, San Nicolaas, ta celebra den 2017 nan 75 aniversario. Asina tin otronan cu tin ya 35 y 30 aña ocupa riba e tereno aki den districto di Paradera, Noord y Oranjestad.
Nos ta aprecia iniciativanan manera menciona ariba cu nan participacion social di nos grandinan y por lo tanto ta promove elementonan social. For di cual por sali proyectonan manera nos grandinan boluntario cu ta guia otro gruponan di nos grandi y hobennan, hobennan cu ta yuda nos grandinan, cu cursonan dirigi riba necesidad y deseonan di nos grandinan riba diferente tereno, etc.
‘Grupo Nucleo 60+’ a ser lanta na 2013 y ta consisti di miembronan di organisacionnan social di nos grandinan. En total nan ta 26 organisacionnan social di nos grandinan organisa. E meta di ‘Grupo Nucleo 60+’ ta pa medio di strategianan di empodera, promocion di e desaroyo y bienestar di grandinan en general y e compromiso social y participacion di nos organisacionnan local di nos grandinan, en particular. Un punto di salida importante den esaki ta e ‘Organisacion Mundial di Salud’ ta e comprension di ‘bira grandi (bieu) activamente’.
Akinan ta para central e optimalisacion di e capacidad di desaroyo sigur pa e gruponan organisa di nos grandinan den diferente districtonan di Aruba via promocion di e forsa di cuidadanonan y e traspaso di conocemento pa promove un imagen positivo di nos grandinan.
Cu e iniciativanan ya menciona nos ta purba di logra nos siguiente metanan;
(1) Formacion di e coalicion y logra trabou den conhunto den e gruponan di nos grandinan existente y instancianan relevante, tanto riba nivel di districto como nivel nacional.
(2) Promove e participacion di comunidad y e participacion di e personnan di mayor edad.
(3) Manteniendo e balornan cultural y tradicional.
(4) Promove un estilo di bida saludabel atrabes di e participacion y actividadnan fisica y socialisacion.
(5) Promove e contacto y transferencia di conocimento entre generacionnan hoben y nos grandinan.
(6) Reuni varios gruponan di personanan di edad grandi pa socialisa y pa e placer y e convivencia.
(7) Fortalecimento di e organisacionnan relevante atrabes di recaudacion di fondonan pa e realisacion di su actividad y proyectonan.
Evenemento:
Diamars venidero riba 17 di October lo bay tin na Cas di Cultura pa di dos biaha un evenemento cultural‘Encuentro cultural entre-generacion’ na unda nos grandi y hobennan lo topa otro riba e scenario pa un presentacion. E iniciativa aki tin como obhetivo di proporciona of duna e contacto y interaccionnan entre gruponan di hende di diferente edad riba un nivel social cultural (musica, teatro, baile, poesia).
Algun di e gruponan cu lo haci presentacion lo ta:
1.) Grupo Palisia, 2.) Danza Aruba, 3.) Tai Chi, 4.) Vio Wester y su grupo, 5.) Flor di Brazil, 6.) Titi Tromp y ‘Nos cu Nos’, 7.) Mariachi ‘Luz de Luna’, 8.) Betty Werleman, 9.) Edwin Kock, 10.) Famia Rincones, 11.) Grupo Savaneta
Asina ta no perde e evento aki cu ta ‘Intercambio Cultural entre-Generacion’ riba diamars 17 di October venidero pa 7’or pm den Cas di Cultura. Entrada ta Awg. 5,- pa persona. Por yama celularnan 565-1145 of 567-6700 y tambe si resta na porta di Cas di Cultura. Bin apoya e iniciativa aki caminda cu dos generacion ta uni pa presenta un bunita show.