Grupo nucleo ta consisti di mas o menos 32 diferente gruponan di mayor reparti na diferente barionan di Aruba cu e finalidad pa trece mas apoyo na tur esunnan na nos mayornan di e tercera edad. Sr. Ivo Valdez ta amplia.
E meta principal cu e iniciativa aki ta pa pone na e instancianan na altura di kico ta e actividadnan cu tur e grupo nan aki manera Fundacion Movemento Ta bida, Kibrahacha entre otro a desaroya y cua lo ta e plannan pa e aña aki unda nan tur a presenta nan proposicion pa wordo ehecuta.
Anteriormente, Sr. Valdez a yega di bisa cu e grupo nucleo a haya un trabou di Minister Lampe pa trece den un documento por escrito tur e puntonan di atencion riba maneho di nos grandinan , anto tur esakinan a bin dilanti durante e reunion na e grupo pa wak si nan ta bay di acuerdo.
En berdad, na Aruba mester bin un miho maneho den un forma mas estricto mirando e cantidad di personanan di 60 aña den poblacion, caminda cu nan derecho di opina ta bay den e maneho di gobierno. Gobierno a anuncia cu e persona, e ser humano tin tin prioridad e ora e grupo aki mester tin tur e derecho di opina riba con nan kier wordo trata y cuida riba diferente tereno social. Esey ta e meta principal y tambe pa tene na e mayornan mas activo posibel pasobra cu movemento ta bida.
Den total tin un cantidad segun e cifranan for di SbV di aña 2017, Aruba tin mas di 21 mil pensionado y no ta papiando di e pensionado publico so. Ta papia tambe di esunnan cu ta cobra 1 pension so , caminda cu tin hendenan cu a bin na Aruba di afo, cu no a biba gran parti di nan bida na Aruba, pero na ratio, nan ta haya un pension chikito. E personanan aki mester tene cuenta cu nan, ya cu nan calidad di bida ta bay atras.
Esey ta un di e metanan pa hiba cu e problema aki dilanti pa nan por haya un miho cuido social na cas , cuido di salud y diferente otro aspectonan di cuido. Tambe tin e situacion unda cu mayornan ta dificil pa sali y no tin caminda adecua pa cana den comparacion cu otro paisnan manera Europa. Tambe ta papia cu e costo di bida ta dalnan mescos cu un persona cu ta traha y esaki ta baha mas pisa siendo cu nan ta cobra tiki placa pa cual Sr. Valdez a bisa cu esey ta e idea di e reunion unda lo bay atende cu e diferente gruponan pa tur e problemanan cu nan ta encontrando y nan ta hib’e na e oidonan di e gobernantenan. A bira e tempo cu mester cuminsa cu un miho trato riba e personanan di tercera edad.
Tin centro Kibrahacha por ehempel cu ta haciendo un bon trabou pero di otro banda tin barionan unda cu no tin ni un actividad pa nos grandinan y grupo Nucleo tin un plan riba esaki caminda cu nan ta reuniendo regularmente cu diferente gruponan pa purba di trece actividadnan na diferente barionan pero no tur ora nan a logra pa falta di fondo y esey ta e problema cardinal riba e fondonan y e luganan unda cu e actividadnan por tuma luga. E idea ta pa yega na un plataforma pa trata riba tur e asuntonan aki y e reunion aki ta un comienso unda cu tabata tin for di aña pasa caba pero cada grupo tin actividadnan den individual pero awor ta bin centralmente ta trece pa tende tur e diferente problemanan cu tin, segun Sr. Ivo Valdez, di e grupo Nucleo.