Grupo musical Rochela di Venezuela lo ta den Cas di Cultura

0
Grupo musical Rochela ta descansa durante un ensayo pa concierto na Florida. D.r.p.d. David Peña, German Marcano, Manuel Rangel, Jorge Klem.
RBC Juli 2018
Funmiles-2018

Skirbi pa Clyde Harms

E palabra rochela na Spaño ta nifica diversion y esey ta loke e grupo musical Rochela ta trese Aruba: diversion, fun, plezier. Rochela ta bin di un tour di varios luna tocando na hopi luga na Merca caminda nan tabatin exito tras exito.

Rochela ta consisti di cuatro musico Venezolano cu formacion academico na scolnan renombra. Nan ta fusiona nan talento clasico cu musica popular y nan producto ta musica di calidad haltu cu tur hende ta gusta. E programa di diadomingo ta consisti di 16 piesa di compositornan Venezolano, Brazileño y di otro paisnan. E piesanan di e compositornan Venezolano ta prepresenta musica di tur skina di nan pais. No ta un programa di musica clasico.

E lider di e grupo ta e tocador di cello Germán Marcano kende ta hopi conoci pa su cociertonan cu Aruba Piano Festival y cu Aruba Symphony Festival & Academy. Actualmente German Marcano ta un di e cellistanan mas importante di America Latino. Su CV ta largo y interesante. El a gradua di Surrey University, Inglatera, caminda el a studia bou di guia di Stefan Popov y William Pleeth. Hasta el a toca den Masters program di nada menos cu Mstislav Rostropovich. El a participa den varios tour como solista, musico di camara y maestro di academia manera el a haci aki cu Aruba Symphony Festival & Academy.

E otro miembronan di e grupo ta David Peña, tocado di contrabaho; Jorge Glem, tocado di cuarto y mandolin. Manúel Rangel ta lista como guitarista y tocado di maraca, pero e no ta djies toca su maracanan, e ta haci magia cu nan. Tocando su maracanan, y e ta toca un variacion grandi di maraca, Rangel ta un show riba su mes. Esnan cu a mir’e dos aña pasa por corda cu el a ricibi un tremendo aplauso, merecidamente.

Diadomingo mainta 11or, sin falta, den sala chikito di Cas di Cultura. Trese bo famia, bo bisiña y amigonan. [email protected]

Comments

comments

C: Heineken
new india