Durante un conferencia di prensa yama pa un grupo cu ta yama nan mes Millennials, a splica riba un Debate pa Millennials organisa door di Millennials pa cual aki Sra. Queeny Bergen ta splica e meta di e debate aki pa hobennan.
Millenials ta un grupo di binti hoben, Millenials, Young Professionals cu a bini hunto pa organisa e debata pa Millenials. Naturalmente cada uno, tin diferente background, diferente punto di bista, pero tin un solo meta y un solo tarea cual ta di tene un debate ariba nivel y trece informacion dilanti.
E debate politico constructivo ta un Millenial Edition, ya cu apesar cu e enfasis ta mas ariba Millenials, pasobra cu hopi di e Millenials ta first time voters. Millenials ta hobennan adulto, cu edad di 18 pa 35 aña mas o menos. Pesey el a wordo yama Debate Constructivo Millenials Edition.
Sra. Bergen a splica cu tur e dies lidernan di partido lo ta participando. Esaki ta nan meta, pa trece informacion specialmente pa e Millenials Votersnan, e First Time Voters, pa tende di tur e partidonan nan vision, meta, solucion y punto di bista, etc.
Lo bay tin diferente partido dilanti pa e di dos ronda di debate. Loke e por pone acerca ta cu lo tin un opening statement y un closing statement, pa cada partido. E meta su tras ta tin e oportunidad pa tur partido pa trece padilanti nan informacion, nan punto di bista, nan ideologia, etc. Nan kier pa e bay na un manera positivo, educativo y informativo y pesey tambe ta dunando e partidonan un tiki mas tempo, pasobra cu nan lo kier pa cada contesta wordo duna cu mas contenido. Y apesar di esey, tur hende ta ariba nivel. No solamente e organisadornan, no solamente e partidonan, pero tambe e publico. Pesey no ta permiti pa bin cu t- shirt, nada pa haci desordo. Kier mantene e debate mas neutral posibel. E idea y e meta ta pa e ta un debate informativo.
E lidernan lo ta mara na tempo, unabes cu e tempo pasa, e lider di partido lo perde chance di caba cu su punto. A base di resultadonan di e encuesta haci, nan lo basa nan preguntanan pa e anochi aki.
Na Aruba falta hopi informacion y hopi di esey ta wordo haya ariba rednan social. Ariba e anochi aki ta specialmente pa trece informacionnan dilanti cu ta concerni e Millenialsnan y lo no permiti publico pa haci pregunta ariba e anochi aki, segun Sra. Queeny Bergen.