Un rato pasa tabatin un conferencia di prensa extraordinario di parti di Gobierno di Corsow caminda a keda informacion riba e deal cu a keda logra cu Grupo Klesch pa cu refeneria Isla. Presente den e conferencia di prensa tabata Prome Minister di Corsow. Sr. Eugene Rhuggenaath, Sr. Marcelino De Lanoy director interino di Refineria Isla y Sra. Jessica Russel-Lucasius. PRome Minister Rhuggenaath a habri e conferencia bisando cu ta un logro grandi pa anuncia cu e logra haya un partner nobo cu lo bai opera refineria Isla. Prome Minister di Corsow a mustra cu tabata un caminda hopi largo y duro di seis luna pa logra keda cla cu por anuncia cu tin un operador pa e refineria. Cu gran orguyo prome minister di Corsow ta anuncia cu despues di tres luna di negociacion intensivo Grupo Klesh ta bira operador di e refineria Isla. Prome Minister a mustra cu mester bai bek na kico a keda logra y kico ta loke tabata wordo spera, esta continuidad di e refineria ya cu ceramento di e refineria no tabata un opcion. y tampoco tabata e plan y simplemente, segun prome minister, Corsow no por carga esaki.
Tabata enfatiza e balor di e refineria y e cantidad di famia cu lo keda perhudica su e refineria lo cera y ta papia aki di alrededor di 12 mil hende cu ta depende totalmente di refineria Isla. Hopi tabata esnan entre otro contratistanan cu tabata warda riba e noticia aki y, segun prome minister Rhuggenaath Gobierno a dal e prome stap caminda a firma e acuerdo di traspaso for di PEDEVESA pa Grupo Klesch. E acuerdo ta encera cu e grupo nobo lo bai haci mantencion y inversion tambe mescos cu lo tene tur trahado na trabao. Y segun prome minister esaki ta manera y biento di speranza ta bai waya riba pueblo di Corsow pasobra no solamente e refineria lo habri pero rond di dje tambe lo trece posibilidadnan pa inversionnan y crecemento di economia di Corsow.
Cortesia TeleCuracao.