Loke cu AZV ta wak, ta un grupo segun nan datonan, ta hendenan legitimamente ainda inscribi na registo Civil y Censo y ta wak tambe cu segun datonan di AZV, nan lo ta biba ainda na Aruba. Kiermen ta wak cu ley ta bisa cu e residencia principal mester ta na Aruba, segun Solange Tchong, vocero di AZV.
AZV ta mira cu segun nan datonan, ta hendenan cu tin e derecho di cuido, en berdad, tin ora ta personanan cu eigenlijk casi nunca of basicamente nunca no sa haci uzo di e servicio si, pero AZV ta keda toch pone enfasis riba e importancia cu mester tin’e. Pasobra no sa ki momento por bira malo.
Bisando esey, ta kere cu ta hopi importante e trayecto manera cu a menciona algun tempo atras, cu Censo tambe lo bay haci extra intento pa haya sa con e data ta, con nos hendenan ta realmente si ainda ta bibo, no bibo, biba akinan si of no.
Ta un trayecto cu AZV ta apoya. Esaki lo yuda AZV, vooral cu nan ta un partner trahando directamente cu Censo.
Segun Tchong e parti cu ta un tiki preocupante ta keda un grupo cu a resta di aña 2016 a bin renoba caba. Por ta personanan cu cualkier momento por haci uzo di cuido medico. Na momento cu nan kier haci uzo di dje, e cos por bay pega. Tin e derecho berdad, pero sa cu den practica e dunado di servicio, esta e dokter, of e botica cu bay, kier toch pa bo presenta cu e carchi di AZV. Pesey ta asina importante pa e hendenan aki bin.
Tambe AZV ta haci un yamada na tur esnan cu tin nan carchi cu lo caduca den 2017. Ta importante pa controla e carchi y bin AZV. Tin tres oficina, na Camacuri, uno den Instituto Medico San Nicolas y e ultimo cu ta na MFA na Noord. Tin cu menciona si, cu e servicio na Noord ta riba dialuna, diamars y diaranson. Esaki tabata debi cu AZV mester a haci un adaptacion pasobra a haya nan cu algun inconveniente cu e capacidad di empleadonan cu nan tin. Ta algo cu tin e atencion di AZV pa wak con ta bay run esaki, pasobra dado momento kisas kier bay toch bek na ofrece e servicio den Noord fulltime, segun Solange Tchong.