Grupo di trahadonan preocupa di Serlimar ta cuestiona iregularidadnan den e compania

0
RBC Juli 2018
Funmiles-2018

For di un grupo di trahado preocupa di Serlimar, nos redaccion a haya e siguiente comunicado:

Empleadonan preocupa di Serlimar kier claridad ariba e bagamunderianan cu a tuma luga durante añanan den e compania, ya cu cu hopi asombro, e gran mayoria, si no ta tur, e berdadero empleadonan di Serlmar a tuma nota di diferente publicacion nan cu ta sali den cierto medionan di comunicacion.

Asombro paso tur e publicacionnan aki ta sali sin tin un nomber di trahado of sindicato bao nan. Sinembargo, NOS, e trahadonan oficial di Serlimar kier aclaracion ariba e siguiente porkerianan cu a y ta tumando luga den Serlimar pa añanan largo.

1. Con por ta posibel cu un ex miembro di Raad van Bestuur por tawata cobra e suma di 10.000 florin pa luna, unda Duke Croes (Raad van Toezicht) himself a firma e contract aki y no director di Serlimar ?
2. Con por ta posibel cu yiu di Gaby Werleman ta esun cu tin e contract di service y drecha airconan pa e bunita suma di 15.000 florin pa luna, siendo cu e NO tawata esun mas barata den esunnan cu a entrega un oferta ?
3. Con por ta posibel cu ta net e coordinador di Ex Ministro Benny Sievinger, esta Marco Tromp, ta esun cu a haya e contract pa laba e trucknan di Serlimar, sin cu tawata tin un destaho publico ?
4. Con por tawata posibel cu un manager grandi den Serlimar, esta Micheal Raymond, ta esun cu tawata tin e contract anterior di laba truck, via otro persona pa un bunita suma di 7 mil florinpa luna ?
5. Con por ta posibel cu TUR compania cu ta brinda servicio na Parkietenbos (Dump) a haya contractnan cu ta surpasa 100.000 pa luna SIN un destaho publico ? Pastor ? Werleman ? Johnson ? Henriquez ? Oduber ?
6. Con por ta posibel cu na pia di trabao Rupi Rupi por ta uza ekipo di Serlimar pa e.o. bende propaganda pa su Shop Tv y haci negoshi di Real Estate ?
7. Con por ta posibel cu e mesun empleado aki por ta yama companianan, pidi prijs pa servicionan na Serlimar, anto ta bisa e compania pa pone un extra 15% di comision pa su persona ?
8. Con por ta posibel cu a paga 130 dollar pa un flashlight ? Anto pa colmo a cumpra un cantidad di 90 di e flashlight di oro nan aki
9. Con por ta posibel cu mas di 1.000.000, si 1 miyon, ta wordo paga na IT den menos di dos aña? Ta ken a gana aki y cuanto ?
10. Con por ta posibel cu a huur un cas chikito na Paradera pa 8 mil pa luna for di coordinador di Benny Sievinger, esta Gaby Werleman, durante 5 aña largo ?
11. Con por ta posibel cu Benny Sievinger y Mike de Meza a nombra 63 ploeg na Serlimar cu ta costa e compania 6.700.000 (6.7 miyon) pa aña, sin cu un dia a pone e placa pa paga esakinan ?
12. Con por ta posibel cu a permiti pa kita placa di AZV y pensioen for di e trahadonan di Serlimar y NO a traspasa esakinan pa e fondonan ?
13. Con por ta posibel cu awe tin un debe di casi 9 miyon na AZV, SVB y pago di loonbelasting di e empleadonan di Serlimar ?
14. Con por ta posibel cu bakinan di sushi nobo nobo, balora na mas di 270 mil florin por a djis disparce y niun hende sa di nada ?
15. CON POR TA POSIBEL CU TUR E DRUM DI SUSHINAN TA WORDE CUMPRA NA DIJTHAM CU TA COMPANIA DI E RUMAN HOMBER DI EX MINISTRO BENNY SIEVINGER, SIN A PASA UN DESTAHO PUBLICO ?
16. To Be Continued…………

Lo ta e abusonan aki cu ta conociendo luz di dia, tin algun hende ta soda friu y ta lansando mentiranan pa purba tapa e cosnan aki di sali afo ?

Empleadonan di Serlimar tin un peticion na Nelson Speed Andrade, si e por yuda NAN ( e berdadero empleadonan di Serlimar, NO esunnan nombra pa Benny y Mike den ploegnan di Plan Bo Bario) haya contesta ?

Minister Oduber, NOS di Serlimar ta EXIGI bo persona trece claridad den e scuridad aki !

Empleadonan angustia pa e corupcion durante ultimo añanan den Serlimar.

Comments

comments

C: Heineken
new india